Psalms 100
Tabu lautoi ta nuahuiei
1Tanoubu tataomiu gamagarimiu e, kode daguguna au ginauri GUIAU arinai!2GUIAU au heayaiyei ma kodekodemiu,
au laoma ia matana eai ma wanamiu!
3Omi abo au nuatui, GUIAU ia Eaubada.
Ia i ginaurida, ita ia enana;
ita ia ena tataoyao, eo ita ia ena heaheai mamoena.
4Au lulau ena dobila eai ma lautoimiu,
au lulau ena dubu alona eai ma hedebasaemiu!
Ia au lautoiei, ia esana au ribatausaei!
5Paana GUIAU i lolo,
ena gadosisi miatahitahina i ota esegai i lau e nige nosina,
eo ena riba hemamohoiena i lau e hari isi to hari isi.
Copyright information for
SWP